所謂「撚樣」，即「撚」嘅模樣，「撚」者，男根也。不過，「撚樣」一詞實際上並非如字面意思般指男根之樣貌，而係指好「撚」一樣咁樣衰嘅人，通常指男性，語帶侮辱性。略舉用法兩例如下： 睇下林嘉祥條「撚樣」當時幾霸道！ 你個噉嘅「撚樣」想學人選香港先生？ 同「七頭」一詞想比，「撚樣」語氣更重，意思亦更絕，對人侮辱性更強。年長一輩多講「七頭」，年輕一輩則多用「撚樣」。兩者係一個講樣，一個講頭，其實意思都相同，都係將人比喻成男根以達到侮辱他人嘅目的，因此量詞亦多用「條」，皆因喻體係「一條條」嘅。 「撚樣」同「七頭」都作名詞用以指人，但「點撚樣」呢個詞又點解釋呢？其實呢個時候，「撚」只係「點樣」之間嘅一個音節助詞，與「撚樣」完全無關。 查實，有冇人個樣真係好似「撚」噉又或者有個「七」噉嘅頭㗎？據我所知，呢個世界曾經有一個，佢個名叫徐錦江：
（本圖出自http://hk.myblog.yahoo.com/donnymak7626）
copyright：本文版權屬於粵語協會